"SomE LovE OnE some love two but i love u"

أنا مبقتش عارفه أنا بعمل كل دا ليه
خايفه مني ولا عليك ..ولا من ايه

أقولك ايه بس انا ولا ايه

قبل ما اشوفك لقتيك ف حلمي جيت...وكانت ايدي لامسه ايديك
في حضنك كنت انا وفي حضن عنيك ..قلت لك وحشتني عمري كله
وزيك ما لقيت

أقولك ايه بس انا ولا ايه

خفت اشوفك احسك اكتر..خفت احساسي جواايا يكبر
خفت يقع سدي وسوري الي بيتهد بايديك اكتر واكتر
شوفتك ..خطفتني عنيك والله كل دا ماكان علي بالي يخطر

أقولك ايه بس انا ولا ايه

من بين الكل عيني لقت عنيك..سيبت الناس ولقيتك جنبي وفكري كله ليك
عيني في عنيك ..مسمعتش حاجه كان الكلام خلص
علي حبك يا "أنا " قلبي خلاص حلف

أقولك ايه بس انا ولا ايه

بعدت عني واديك خلاص رجعت لي..خلاص جيت انت بحبك كملتني

أقولك ايه بس انا ولا ايه

خايفه اتعبك ..خايفه اجرحك..خايفه اشيلك هم علي همك

صعبه وعارفه.....متعبه وحاسه ....أنانيه ......

بس حاقولك ايه يا "أنا"خايفه بعد ما لقيتني ..اضيعك
أقولك ايه بس انا ولا ايه
دا انا قلبي من حبك فيه الي فيه

عشقت روحك .قلبك..كلامك وسكوتك..عشقت نفسك ..وعشقت دفي حضنك

حاقولك ايه يا "أنا"عشقت تفاصيلك

ومين يقدر في الدنيا يكون بديلك

أنا مين ولمين !!!

أنا منك ليك
مهما عملت وربك قلبي عليك